Шампионите Сан Антонио со прв пораз

Хјустон – Сан Антонио   89 – 81

Јао Минг беше најзаслужен за победата на Хјустон над Сан Антонио. Во последната четвртина постигна 7поени и му залепи две банани на Данкан за Сан Антонио да не направи серија и Хјустон од готово да направат вересија. Критична за Сан Антонио беше втората четвртина која Спарси ја загубија со 27-13. Ова беше прв пораз на Спарси и сега имаат скор од 3-1 колку што имаат и Хјустон. Јао постигна 28поени 13скока и 6асистенции, а Бонзи Велс донираше од клупата уште 14поени и 15скока. МекГрејди немаше своја вечер 12поени со шут 4-14. Кај Сан Антонио Џинобили 23поени и Паркер 21поен. Данкан слично како МекГрејди заврши со 14поени 10скока и 5загубени топки.

Л.А.Лејкерс – Њу Орлеанс   104 – 118

Стојаковиќ беше “on fire”. Погоди 10 тројки од 13 шута. Со тоа постави рекорд на својот тим. Во Хорнетси имаше уште еден рекордер. Крис Пол направи рекордни 21асистенција. Со оваа победа Хорнетси се први во НБА со скор од 4-0. Стојаковиќ погоди три тројки по ред и за од 78-78 на крај на трета четвртина да се отиде со 89-80 за Хорнетси. После ова победата на Хорнетси не беше доведена во прашање. Стојаковиќ имаше 36поени, Пол 19поени и 21асистенција и Давид Вест 22поени. Кај Лејкерси Коби заврши со 28поени 11-20 и Туријаф имаше за него солидни 15поени.

Голден Стејт – Кливленд   104 – 108

Интересна завршница имаше средбата во Оукленд. Решавачка беше тројката на Дени Гибсон на 20сек до крај за водство на Кливленд од 106-102. Потоа Бајрон го промаши шутот за три и се беше решено. Гибсон средбата ја заврши со 22поени. Џејмс за една асистенција не направи трипл-дабл средбата ја заврши со 24поени 14скока 9асистенции. Илгаускас имаше 22поени и 13скока. Кај домаќините БајронДејвис имаше 29поени и 10асистенции и Монта Елис 22поени.

Њу Јорк – Денвер   119 – 112

Фуриозните последни 12 минути беа причината за победата на Њу Јорк. Последната четвртина ја добија со 37-20. Но сепак Денвер утнаа многу шанси на крајот. При резултат 116-112 на 22сек до крај Смит промаши тројка, Антони имаше офанзивен промаши од под кош, па имаше офанзивен и ги промаши и двете слободни. Повторно првата петорка на Никси беше одлична. Крафорд имаше 25поени и 8асистенции, Кури 24поени, Рендолф 22поени и 17скока и Марбери 21поен и 9асистенции. Кај Денвер стандарно Ајверсон 32поени и Ентони 24поени и 9асистенции.

Шарлот – Феникс   83-115

Прмногу лесна победа на Феникс. На полувреме беше 59-37. Иако се очекуваше Окафор да биде незапирлив, бидејќи за Феникс не играше Стадемаер, Окафор имаше 0поени и средбата ја заврши со само 7скока. Бидејќи се беше решено уште на полувреме, второто полувреме го играа вторите постави на двете екипи. Затоа кај Феникс имаше дури 8 играчи со двоцифрен учинок. По 16поени имаа Барбоса, Мерион и Бел, Диао имаше 15поени и 11асистенции. Кај домаќините за одбележување е партијата само на Дадли кој од клупа имаше 16поени и 11скока.

Њу Џерси – Атланта   87 – 82

Решавачкиот кош го имаше Врајт на 15сек до крај за водство на Њу Џерси од 87-82, Пред тоа Џонсон погоди тројка за 85-82. Но промаши тројка потоа за да ја направи поинтересна завршницата на натпреварот, бидејќи потоа Армстронг ги промаши и двете слободни. Повторно најдобар кај Њу Џерси беше Џеферсон со 25поени. За истакнување е и Кид со 9поени 12асистенции 9скока како и Антоан Врајтсо 15поени. Кај Атланта по 18поени имаа Чилдрес и Џош Смит.

Чикаго – Л.А.Клиперс   91 – 97

Уште еден пораз на Чикаго(0-4). Биковите се уште се немаат радувано оваа сезона. Додека пак кај Клиперси(3-0) ситуацијата е обратна се уште немаат пораз. Критична за Чикаго беше серијата од 10-0 што ја направија Клиперси во последната четвртина. Тогаш од 89-85 на 4мин при крај поведоа со 95-89 на 30сек до крај. Во оваа серија Магети и Мобли дадоа по 5поени. Тие двајца беа и најефикасни кај победничката екипа. Мобли 33поени, Магети 18поени и 10скока. Кај домаќините Луол Денг имаше 22поени, Хајнрих 18поени и Гордон 15поени, но имаа катастрофален шут 19-50.

Сакременто – Сиетл   104 – 98

Сакременто ја забележа првата победа сезонава. За тоа требаше саглам да се намачи. Кралевите успеаа да редуцираат 20поени разлика што ја имаа Соникси во втората четвртина 54-34 и накрај дури да победат. Сиетл и на 2:30 до крај имаше водство од 98-95 и имаше два шута за да го зголемат, но Дурант и Вилкинс промашија. А тоа Кингси го искористија и со завршна серија од 9-0 го добија натпреварот. Кевин Мартин имаше 31поен и Селмонс 23поени кај Сакременто. Кај Сиетл Дурант имаше 27поени, а Шчербијак од клупата погоди 32поени.

Милвоки – Торонто   112 – 85

Дезмонд Мејсон 21п, Ред 17п (Милвоки)

Диксон 20п, Хампрејс 16п (Торонто)

Минесота – Орландо  103 – 111

Ал Џеферсон 25п 10с, Бакнер 18п (Минесота)

Двајт Хауард 26п 18с, Луис 27п Аројо 18п (Орландо)

Ален за нова победа на Бостон

Торонто – Бостон 78-78 прод 95 – 98

Добра, борбена прва четвртина 23-14 за Бостон. Се карактеризираше со дуелот Реј Ален-Т.Џ.Форд. Ален постигна 13поени со шут 3-3 за 3поени. Додека Т.Џеј имаше 8поени и 2 добри асистенции. Разликата беше толку изразена бидејќи Торонто промашија многу чисти шутеви особено Барњани. Торонто имаше мизерен шут за поле 6-24. Многу лоша втора четвртина. Многу грешки, многу промашување. Ништо за издвојување. Резултатот на полувреме 38-31 за Бостон.

Истата игра и во трета четвртина. Многу брзоплети напади на Торонто, а во одбраната беа добри. Ги натераа три пати Бостон да не шутнат за 24сек. За издвојување Гарнет 7поени, и шут за три 4-5(2 Хаус и 2Ален). Од Торонто повторно Т-Џеј за издвојување 8поени. Катасрофа Бош. Немаше кош од игра. 4поени сите од слободни. Истото важи и за Калдерон. На крај на трета 66-55. На почетокот на последна Гарнет ја прави 5та лична над Бош за 2+1. Потоа тројки на Калдерон и Диксон за на 8:40 до крај за 70-66. Поатоа серија од 6поени на Капоно за72-72 на3:40 до крај. Не ми е грешка точно е. за 5мин 6-4 за Торонто. Две тројки на Поуси за 78-76. Потоа Ти-Џеј за78-78на 27сек до крај. Пирс промашува за победа.

Продолжение. Ако досега се изнапромашија, во продолжението не промаши никој. Реј Ален постигна тројка на 2сек до крај за победа. Одлично издание на трио фантастико во продолжението(Гарнет 10п Ален 6п) кај Торонто Ти-Џеј 11поени(3 тројки).

На крај најефикасен Ален со 33поени, Гарнет 23поени 13скока и 6асистенции. Кај Торонто Ти-Џеј Форд 32поени и Бош со 19поени и 10скока

Л.А.Лејкерс – Јута   119 – 109

Коби повторно одличен за победа. Коби постигна 33поени со одличен шут од поле 13-19. Ни Кириленко не можел да го запре. Голема помош Коби имал во Фишер кој постигнал 19поени од кои 13 од слободни. Враќањето на Фишер се покажува како одличен потег на управата на Лејкерс. За споменување е доброто издание од клупа на Бајнм со 15поени и 9скока. Кај поразените Бузер имал 23поени и 12скока и Дерон Вилијамс со 26поени.

Феникс – Кливленд   103 – 92

Поради неиграњето на Стадемаер кој имал мала повреда Кливленд одлично започнале и благодарение на Илгаускас и Дру Годен кој имале лесна задача против Диао и Скинер на средина на втора четвртина Кливленд воделе со 12 разлика. Но благодарение на Неш кој постигнал 10поени во третата четвртина Санси го враќаат водството на крајот на трета четвртина и го задржуваат до крај. Причината за поразот на Кливленд се и многуте загубени топки 22-12. Најзаслужни за победата на Феникс се Неш со 30поени и 10асистенции,  Мерион со 23поени и 12скока и Диао со 16поени. Кај Кливленд ЛеБрон 27поени и 8асистенции, Илгаускас 22поени и 13скока и Гуден 22поени и 14скока.

Мајами – Шарлот   88 – 90

Повторно пораз на Мајами. Пак очекувано. Мислам дека Мајами со овој состав можат да победат само некој фаворит од западот. Критично за овој пораз е очајниот шут за три на Мајами(2-12). Во сите други параметри беа подобри или изедначени. Натпреварот се решавал во последната минута. Се влегло со 86-86. Фелтон погодил 2 слободни за 88-86. На две секунди до крај Рики Дејвис ја губи топката и нема шут од Мајами за продолжение или победа. За разлика од претходните две партии кога имаше едноцифрен број на поени Шек сега имаше солиден натпревар со 17поени и 9скока и шут 8-11. Најефикасен кај Мајами бил Хаслем со 18поени и 10скока. Најзаслужни за победата на Шарлот биле Џејсон Ричардсон со 29поени, Фелтон со 19поени и 7асистенции и Емека Окафор со 16поени и 13скока.

Л.А.Клиперс – Сиетл   115 – 101

Решавачка за овој натпревар била последната четвртина кога Клиперси направиле серија 23-10 па  повеле со 106-90. Во овј период Тим Томас погодил три тројки по ред. Сепак покрај Томас кој средбата ја завршил со 20поени, најзаслужен за победата бил Кори Магети со 27поени. Кај Сиетл повторно најефикасен бил рукито Кевин Дурант со 24поени. Помош имал од Дамјан Вилкинс со 22поени.

Њу Јорк – Минесота   97 – 93

Њу Јорк го направија сефтето годинава благодарение на одличната последна четвртина на Џемал Крафорд кој постигнал 10 од 24поени. Добра партија пружале и Марбери со 17поени и 7асистенции, Зак Рандолф 15поени и 10скока, Кури 14поени и Дејвид Ли исто толку. Кај Минетота Рајан Гомес 19поени и Ал Џеферсон со 16поени и 12скока.

Детроит – Атланта   92 – 91

Многу интересен натпревар. Џо Џонсон погодил две тројки по ред за 88 – 89 за Детроит на 43сек до крај. Потоа Билапс промашува удар за три, но следува клучниот офанзивен скок на Хејс. Билапс погодува 2 слободни за 91-88 на 16сек до крај. Потоа лична над Џош Смит. Три слободни на Смит. Погодени за 91-91 на 7сек до крај. И во последната секунда досудена е лична над Билапс(сомнително) кој погодува само едно за победа на Детроит.  Најдобри во победничката екипа биле Билапс со 22поени и Хамилтон со 21поени кој се врати во екипата. Кај гостите Џо Џонсон 23поени и Марвин Вилијамс со 22поени.

Денвер – Њу Орлеанс   88 – 93

Прв пораз на Денвер. Њу Орлеанс останува непоразен(3-0). Причина за поразот на Денвер е лошиот шут и многуте потрошени топки на дуото Ајверсон-Ентони кој имаа 16-49. Ајверсон заврши со 23поени и 8асистенции, а Ентони со 20поени. Кај гостите очаен беше Стојаковиќ кој заврши со само 5поени и шут 1-10. Но затоа другите беа расположени. Крис Пол иамше 15поени 11асистенции 8скока, Давид Вест 17поени 13скока, Чендлер 12поени и 17скока, Расол Батлер 11поени(3 тројки во последна четвртина) и Боби Џексон 13поени.

Ноќеска играат:

02:30   Далас – Хјустон