Подршка за Платини

Платини собра храброст и успеа колку толку да го исполни тоа што го вети. Поголеми шанси за пласман на земјите со послаб фудбалски рејтинг т.е посиромашните.

Иако се зборуваше дека ќе им се намали по едно место на фудбалските велесили: Италија, Англија и Шпанија сепак тоа не се случи, напротив им се обезбеди директен пласман и на 3то пласираната екипа од овие првенства. Но не брзајте со заклучоците.

Лига на Шампиони

Значи сега наместо 16те екипи кои директно обезбедуваа  пласман во групите. Досега тоа беа по 2 екипи од  1-6 рангирани  држави( Шпанија, Англија, Италија, Франција, Германија и Португалија),  шампионите од Холандија, Русија и Грција и освојувачот на лигата на шампионите од минатата година.

Сега на овие ќе им се приклучат уште и третопласираните од Шпанија, Англија и Италија и уште шампионите од 10-12 рангираните држави или моментално тоа би биле Украина, Шкотска и Турција. Тоа значи дека сега ќе има 22 екипи кои ќе се пласираат директно. Морам да кажам дека ми се допаѓа ова решение.

Значи сега остануваат уште 10 места. Пазете сега како е решено ова. Значи 5 екипи од послабите шампионати 100% учествуваат. Од 13-53 рангираните држави нивните шампиони ќе се борат за овие 5 места. Ако денеска се игра ова најголеми фаворити би биле шампионите на Чешка,  Грција, Белгија, Швајцарија и Бугарија. Нашата држава е 36то рангирана па во ждребот нашиот шампион би бил аутсајдер и според сегашниот ранкинг би играла со Словенечкиот шампион.

Додека пак останатите 5 места ќе ги потполнат екипите од 1-15 рангираните држави. Сега тука во немилост се ставаат второпласираните екипи од 7-15 рангираните држави, пошто да бидеме реални 4то пласираните од Шпанија, Англија и Италија се далеку поквалитетни од овие наведени екипи. Е сега незнам дали ваму ќе има носители или сите ќе бидат во еден шешир. Ако бидат сите исторангирани можни се дуели и помеѓу овие екипи.

Се на се мислам дека одлично е решен проблемот со посиромашните држави. Значи секоја година ќе имаме по 5 аутсајдери во групите, но мислам дека така ќе биде само во првите 3,4 години, потоа и овие клубови финансиски ќе зајачаат. Значи сега вреди да се стане шампион на својата земја, да се зачуваат фудбалерите, да се појача клубот и со малку среќа ете и мак-екипа во Лига на Шампиони. Мислам дека со овој систем имаме шанси. Инвестирајте во мак-фудбалот. Ќе ви се врати.

Куп на УЕФА

Друго. Платини го укинува Интертото натпреварувањето. Останува УЕФА натпреварувањето, но со мали измени.

Значи сега ќе имаме 4 квалификациони рунди. За Македонија 2от и 3от почнуваат од 1 квалификациона рунада, а освојувачот на Купот почнува од 2 квалификациона рунда.

10те екипи кој ќе бидат елиминирани од квалификациите на Лигата на Шампионите(Оние од 15 шо беа) одат директно во групите, 15екипи шо ќе останат од шампионите на послабите држави ќе играат во 4 квалификациона рунда.

Лигата на УЕФА ќе има 48 екипи поделени во 12 групи.

Овој систем на натпреварување важи од 2009год. Секако за овој систем се има согласност од G-14 групацијата.

Се на се мислам дека со овој начин на натпреварување добиваат сите. Појаките лиги добија сигурен пласман во Лигата на Шампионите(мислам на третопласираните), а додека послабите лиги добија барем шанса, надеж дека ќе се пласираат. Пошто досега и да стасаа до 3 коло им се паѓаа далеку појаки противници од нив и беа лесно елиминирани.

Ждреб за светско

Македонија е во единствената група со 5 репрезентации. Ау, Ау.

Прилично тешка група. Не ни се паднаа Грците.

Група 9

1. Холандија

2.Шкотска

3.Норвешка

4.Македонија

5.Исланд

Зошто странец(Катанец) за селектор

Завршија квалификациите за Европското првенство во Австрија-Швајцарија и одма политички ориентираните медуми се удрија на лаење. Колку Катанец не чинел, Хаџи-Ристевски врска немал, за платата Катанец шо ја земал шо направил, УА, УА, УА. Особено Филе ме изнервира со лаењето. Демек овој настап ни бил најлош досега. А во анкетата шо ја правеше никој од испитаните не го спомна Катанец како причина за лошиот пласман. Епа Филе и овој токмакот од Канал 5 читајте шо сме направиле.

Да анализираме што направил Катанец. Значи Македонија заврши на 5то место со 14поени во група со Англија, Хрватска, Русија, Израел, Естонија и Андора. Освоивме највеќе поени досега. Точно е дека сега бевме 7 репрезентации во група, а порано сме биле по 6 или 5, но  на претходните  и ако додадеме и +6поени  на нашето бодовно салдо нема да имаме 14поени. Исклучок се  квалификациите за светско првенство 1998 кога имавме 13поени, но бевме во далеку послаба група од оваа. Бевме 6 репрезентации и фалеше една силна репрезентација за таа група биде иста со оваа.

Значи бодовно напредувавме. Да видиме дали напредувавме со играта. Ако се исклучат натпреварите со Русија, особено натпреварот дома (0 – 2) за кој мислам дека беше најлошиот под водство на Катанец и тој во гости на кој промашивме пенал при 1-0 за Русија во второто полувреме и со бевме со играч повеќе, но после тоа паднавме психички и Русите не докрајчија со 3-0, на другите натпревари не бевме лоши.

Почнувајќи од првиот со Естонија каде што Седло ни донесе победа, во да речам изедначен натпревар. Да бидеме реални среќно победивме. Но таа среќа ни избега на натпреварот со Англија дома. Натпревар на кој Македонија покажа дека може да се држи и со велесила од типот на Англија. Одигравме одлично. После натпреварот со Хрватска наш најдобар натпревар иако изгубивме со 0-1. Крауч среќно не реши. Сепак им вративме во Англија. Натпревар на кој Англичаните беа подобри имаа повеќе шанси, но шанси имавме и ние. Можевме и да ги победиме со повеќе среќа и присебност во решавачките моменти. Со Андора лесно 3-0 на гости, нешто шо не беше случај во претходните квалификации. Со Хрватите таму, мислам дека беше местена таа утакмица. Као Седло дава гол од слободен, киксира Плетикоса 0-1 за нас, Хрватите ништо не изиграа прво полувреме. Срна најавен прва постава ама не почна од старт, па коа у второ Билиќ си ја поправа грешката го става и Македонија не испадна од шеснаесетник. Плус Седло добива црвен за стартови шо никогаш пред тоа не би ги направил. Тоа е мое мислење. Со Естонците дома имавме шанси за победа ама не ги искористивме. Ама каков гол ни дадоа Естонците, секоја чест. Со Андора за Тоше пак лесно до 3-0. И со Хрватите на крај одличен натпревар за нас во нелогични услови, но сепак победа си е победа и колку на некој таа не му се свиѓала треба да се слави, бидејќи беше повеќе од заслужена. Особено што Хрватите се меѓу топ 10 во светот.

Израелците намерно ги испуштив. Грешката со ваквите репрезентации не е во тренерот туку во играчите. Секогаш натпреварите со противници кои се на нашиот рејтинг ги играме на крај. И овие натпревари се без никакво значење за нас. Но пред да почнат квалификациите после ждрепката сите ги сметаме овие натпревари за добиени. Истото се случува и со фудбалерите. Немаме добиено натпревар со ваква репрезентација досега. Почнувајќи од Литванија па Словачка, минатите квалификации Финска и овие Израел.

На пријателските натпревари ги победивме Еквадор, Турција и Албанија. Изигравме нерешено со Нигерија, а загубивме само од Бугарија во дебито на Катанец.  Значи со Катанец имаме скор 7победи 3нерешени и 7порази. Гол разлика 16-14.

Значи и во играта сме подобрени. Во пристапот кон репрезентацијата да не зборувам. Во професионалноста на играчите исто. Професионалноста на новинарите исто. Се врати публиката на репрезентативните натпревари. На сите утакмици Градски беше полн. Маркетингот значи функционираше. За првпат одкога е Катанец тренер цела Македонија не му се мешаше во изборот на играчите. Катанец си имаше околу 20тина фудбалери и нив ги форсираше. Тоа првпат се случува. Претходо имаше случаеви каде некој шо нема заиграно у својот тим и тоа у прва мак-лига да игра за репрезентација. Бандулиев не заигра за Работнички, а играше против Чешка таму, само за да на некого му се исполни желбата. Примери има и со други такви фудбалери ама овој сега ми текна.

Е сега секој тренер си има грешки, никој не е совршен. Но Катанец имаше најмалку до сега. Ме нервираше што форсираше со 3 дефанзива и со само еден крилен играч по страна. Тоа го играа Бразил ама тогаш Карлос и Кафу беа у најдобра форма. А да бидеме реални Лазаревски и Петров или Попов умираа после 60мин. А тоа беше пошто немавме среден крилен кој ќе вкрстеше со него. Поарно да го форсираше Васовски или И.Митревски на за нив неадекватна позиција, странични бекови и да игравме 4 – 4 – 2. Така мислам ќе бевме поопасни. И минусот од мене му е за незимањето на Неџипи и не пратењето на нашите фудбалери во странство и тука.

Но ако ме прашате мене “Дали Катанец пак ?” имате едно ДА. И не мора Катанец да биде некој друг странец ама да има реноме. Не дека нашиве не се стручни, но ако Македонец е тренер тогаш и сите ние сме тренери. Едноставно луѓево тука не ги ценат. А за парите, тоа си е таман. 10000е не се многу. Толку треба да зема некој селектор. Другите ги лажеле претходно. Ако вие мислите дека еден фудбалер треба да зема 200е плата и еден тренер 500е плата се лажете или ве лажат. Ако се качат платите ќе се качи рејтингот на фудбалот во Македонија. Ама кај нас се се експлоатира па и затоа сме таму кај што сме.

Од мене имате уште една можност а тоа е да се проба со два тренера еден од тактичка страна, а друг како мотиватор.

П.С. Оставете го фудбалот намира, баталете политика. Ако на некого не му се свиѓа Хаџи-Ристевски нека го реши тоа на седмица на ФФМ, а не да прави пропаганди преку телевизија(Сител и Канал 5) или друг медиум. Се додека некој ја меша политиката во фудбалот или спортот воопшто ќе немаме резултати. Ракометарките играат на светско тоа треба да ви биде ударна вест, а не мак-фудбалот во услови кога не се игра фудбал.